शिक्षकहरुको विद्यालयमा भिडभाड छ । शिक्षकहरु हामीलाई जान्ने गरी पढाउँदैनन् । पढाए जस्तो मात्र गर्दछन् । मात्र झारो टार्ने काम मात्र गर्दछन् । यस्तो अवस्थामा हामी कसरी सोधिएको प्रश्नको उत्तर दिन सक्दछौँ ?
शिक्षा मन्त्रालयले
शिक्षाको गुणस्तर परीक्षण गर्ने र शिक्षा क्षेत्रमा कार्यरत विभिन्न निकायहरुको
कार्यसम्पादन परीक्षण गर्ने, विभिन्न अनुसन्धानहरु गर्ने र त्यसको
नतिजाको आधारमा शैक्षिक गुणस्तर सुधारका लागि शिक्षा मन्त्रालयलाई नीति निर्माणका
लागि सुझाव दिने उद्देश्यले २०६६ सालमा शैक्षिक गुणस्तर परीक्षण केन्द्रको स्थापना गरेको छ ।
शैक्षिक गुणस्तर परीक्षण
केन्द्रले विद्यार्थिको राष्ट्रीय उपलब्धिको परीक्षण गरी शिक्षण र सिकाइमा रहेका
समस्याहरु र सुधारका उपायहरुको अनुसन्धान गर्दछ । यसै क्रममा कक्षा ८ का विद्यार्थिलाई
विज्ञान विषयमा सोधिएका प्रश्नहरुको उत्तरमा एकजना विद्यार्थिले यस्तो उत्तर दिएः
प्रश्नः किन क्लिनिकल
थर्मोमिटरमा साँघुरो घाँटी बनाइएको हुन्छ ?
उत्तरः हाम्रो विद्यालयमा
११ जना सर र १२ जना मेडम छन् र तिनीहरु हामीलाई पराए जस्तो गरी पराउँछन् । नमस्ते
बाइ बाइ ।
उक्त विद्यार्थिको उत्तरले इङ्गित गर्न खोजेको कुरा यस्तो छः शिक्षकहरुको
विद्यालयमा भिडभाड छ । शिक्षकहरु हामीलाई जान्ने गरी पढाउँदैनन् । पढाए जस्तो
मात्र गर्दछन् । मात्र झारो टार्ने काम मात्र गर्दछन् । यस्तो अवस्थामा हामी कसरी
सोधिएको प्रश्नको उत्तर दिन सक्दछौँ भनी प्रतिप्रश्न गरेका छन् । यस उत्तरले हामी शिक्षा क्षेत्रमा काम गर्ने, शिक्षण गर्ने
र शिक्षकको अनुगमनमा खटिएका सबैलाई चुनौति दिएको छ । हामी आफ्नो कर्तव्य पुरा गरेका
छैनौ तर गुणस्तरका कुरा गरिरहेका छौँ ।
शिक्षकले नपढाए सम्म जे
जसो गरेपनि शिक्षाको गुणस्तर सुध्रिने वाला छैन । कदापी । शिक्षक आँफै उत्प्रेरित
भएर केही ठाउँमा पढाएका पनि छन् । तर त्यो केही विद्यालयहरुमा मात्र रहेको पाइएको छ । यो अवस्थाले एकातिर विद्यार्थिहरु शिक्षकप्रति कस्तो भावना लिएका रहेछन् भन्ने कुरा उजागर गरेको छ भने अर्को तिर समग्र नेपाली विद्यालयहरुको
अवस्थालाई समेत चित्रित गर्दछ ।
यस अवस्थामा सुधार कहाँबाट
सुरु गर्ने ? कसले के गर्ने ? कसले भनिदिने ? आफ्नो कर्तव्य पुरा
नगर्नेलाई कसले काममा लगाउने ? के यो समस्या केवल शिक्षकका कारण हो कि हामी पनि जिम्मेबार छौ ?
-Shyam Prasad Acharya
0 comments:
Post a Comment